新mount第一次用到

[Wah!]

個新mount無跟火牛,所以直到星期三黃sir買左一個,夜晚至第一次開著佢.
由於第一次試,所以對北亦只是用指南針對,誤差都幾大.
開機按兩下enter,個mount會自動去到switch position (home),不必人手做,非常方便.
試two star align, 發現時時hang機, 初步估計是火牛的輸出電流不夠大,馬達轉動時用電極多,微型電腦不夠電操作以致失靈,希望換一個大功率火牛會有所改善.(之後成晚一直都經常有hang機,要restart個開關)

個mount在某些方向時,緯軸馬達會發出尚算輕微怪聲,可能是內部的齒輪有虛位所致,但是經軸馬達就無此現象.

總算試左幾次,有一次成功無hang機對好兩粒星(大角同織女, 之後hang機,再開機亦不必再用two start align,只要用last align即可.).
跟住goto m57,中倍之下都在視場之內,可能係因為近織女星,所以比較準.
再試m27,未能對準.估計係個mount對極不準有關,不知各位用開goto的朋友有何意見?

支c8大致都對好左光軸,用跟鏡的25mm目鏡睇火星都好高反差,極冠同地形都睇得好清楚.
另外有睇到M31,M32,M22,M28,M8,織女旁的"雙雙星".

[CK]

我估未必同對極有關，如果用 two star align 就算不是赤度儀，只是經緯儀(水平式)都可以導入。說明書上有沒有列出encoder 的分解度?

ck

[Wah!]

無留意到呢樣,下次用時睇真d先.
不過佢個說明說好似本本一樣,係個mount個本同係c8個本根本係一模一樣的!