好似講左好長好長,原來來了英國三十二小時而已!正!
出左劇場,做了個錯誤決定,本應該到附近唐人街食飯—而不是立即取車,
如果日後有人跟我們這樣看劇,就要記得了!
因為唐人街在市中心,就在劇院附近,街中有間連外國遊客都慕名而來的食堂,叫 旺記,
旺記的成名是因為待仔十分惡,對人客總是呼呼喝喝!
大聲同你講"how many?" "go! go! go!" ,你惡咩,佢一係不做你生意,
一係叫人出來打你都試過,
我也試過比佢鬧過一次,只因我問佢辣醬,"靚仔,唔該可唔可以比些辣醬?"
你會覺得有甚麼問題呢?
聰明的你就會發現,係用多左個字,咩字?
咪就係可唔可以囉!
正確的旺記用詞是;靚仔!辣醬唔該!
無計,點解佢咁把炮呢,原因是它的食物不差,在市中心能夠幾磅食飽,
仲係食星米,牛河,楊飯,真係比佢多鬧幾句都冇所謂,
而且,有些人來就是要看人比人鬧和自已比人鬧(死未?)
不過,我們第二日去旺記,已經發現時移世易了! 待續
沒有在倫敦流連,很快就到車場取車,這裡要多謝一個路過的好心同鄉,
因為我們差點就撞板,我們駕的是七人大車,車場有些位太低,
見我們要泊位,就多口提醒我們,如果這位好人沒有提我們,我估……
大家都會幾冇心情了!
晚上十時的倫敦仍很多車,加上導航儀沒有固定好,再加上倫敦有些改路,
我沒有耐性慢慢找路出倫敦了,一於拐個大彎,從機場方向回大學,所以回
到大學已差不多十一點幾,但因為大家都沒有吃晚飯,早餐的食物也需要預備,
所以十一點幾去超市,好在大學門口就有大超市,而且廿四小時的,十分方便!
最好玩的,是廿四小時超市裡的自助繳費機,所有過程都是沒有收銀員的,
只有一個人在旁視察,有需要才找他。一件一件東西自己嘟!嘟完自己比錢,
都十分有趣,我想香港有日都會行這一套了,可能十年八年後吧!
冰島倫敦之旅(7)
誰在線上
正在瀏覽這個版面的使用者:沒有註冊會員 和 22 位訪客